Рәшит абый Бәшәр - «Көмеш кыңгырау»да кунакта

ТОРМЫШ
Уйный-уйный туярсың,
Уенчыгың мендәргә
Бер көн сөяп куярсың
Һәм дөньяга багарсың.
Булыр аның ак көне,
Булыр караңгы төне.
Шатлыгы, кайгылары
Бөтереп алыр сине.
... Тотынырсың бәхетне
Чит җирләрдән эзләргә.
Тауларга да менәрсең,
Чумарсың диңгезләргә.
Ә бер көнне барыбер
Кайтырсың нигезеңә.
Каршылар иске өең
Һәм картайган әниең,
Һәм картайган әтиең.
Пышылдар алмагачың:
– Исән-саумы, нәнием!
Күзләреңнән яшь чыгар –
Тормыш ул гаҗәп чуар!