Көмеш кыңгырау

Мәңгелек ут яна мәйданнарда

Рөстәм Акъегет шигыре.

МӘҢГЕЛЕК УТ ЯНА МӘЙДАННАРДА

Мәңгелек ут — ялкыннардан һәйкәл —

һәлак булганнарга сугышта.

Мәңгелек ут — алар сулышы ул,

тоташылган безнең сулышка.

Алар исән безнең күңелләрдә,

дәвамнары — безнең гомерләр.

Алар миндә яши,

алар синдә яши,

алар бездә мәңге яшәрләр!

Булыйк кына лаек

алар буынына

алмаш булып килгән

без — яшьләр!..

Мәңгелек ут яна мәйданнарда —

күк йөзенә төшә шәүләсе.

Алда — тормыш бөтен барлыгында —

яшисе дә безгә, яшисе...

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: