Көмеш кыңгырау

Яр Чаллы шәһәре

Шигърият

Мең мәртәбә бәхетледер җирдә мәхәббәтен таба алганнар

Нияз Акмал.

Мәхәббәт

Алдыгызга

алсу гөлләр җәям,

Юлыгызга – яшел аланнар.

Мең мәртәбә бәхетледер җирдә

Мәхәббәтен таба алганнар.

 

Мәхәббәтнең күге – гел кояшлы,

Тугайлары – һәрчак тургайлы.

Мәхәббәтнең таңы – гел былбыллы,

Мәхәббәтнең төне – гел айлы...

 

Әгәр күңелең мохтаҗлыкка чыкса

Һәм теләсә синнән бер аклык, –

Бу гөнаһлы җирдә яши алган

Мәхәббәттә генә гөнаһ юк!

 

Яралавы аның – шифа гына,

Язмыш сине үтсә яралап, –

Мәхәббәтең саклап калыр һәрчак,

Мәхәббәтең калыр аралап.

 

Алдыгызга алсу гөлләр җәям,

Юлыгызга – яшел үләннәр.

Мең мәртәбә бәхет телим сезгә,

Мәхәббәтен таба белгәннәр!..

 

НИЯЗ АКМАЛ

 

Следите за самым важным и интересным в Telegram-каналеТатмедиа

Оставляйте реакции

10

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев