Ләйлә (Һади такташ)

ЛӘЙЛӘ

Урамнар бүген сөенгән,                

Ап-ак карга киенгән,                   

Ләйлә, чанасын өстерәп,

Чыгып китте өеннән.                     

Йомшак ап-ак кар өстендә

Эх, уйнавы күңелле...

Чү! Урамнан кемнәр килә,

Пионерлар түгелме?

Ал байракларын күтәреп,

Менә алар җитәләр,

Пионерлар, комсомоллар

Бергә җырлап үтәләр.

Берсе әнә Чемберленның

Рәсемен күтәреп үтә,

Чемберлены, абау кызык,

Йодырыгын селкетә.

Ләйлә курчакларга карап

Бик кычкырып бер көлде...

Урам буйлап кичкә кадәр

Чанасын тартып йөрде.

Биш ел үтәр, Ләйлә, син дә

Үсеп буйга җитәрсең,

Октябрьнең унбиш елын

Пионерда итәрсең.

Ләйлә (Марат Әмирханов хикәясе)