Көмеш кыңгырау

Әллә көз ялгышкан…

Роберт абый Миңнуллинның 2003 елның 1нче ноябрендә язылган шигыре.

Көзнең соңгы ае килде —
Ноябрьнең бере.
Бүген шундый кояшлы көн!
Кояш шундый эре!

Нәкь җәй айлары шикелле —
Көне көләч, җылы.
Бөтен дөнья тынып калган,
Тынган кошлар җыры.

Кайсы якка карасаң да —
Бер яфраксыз агач.
Сәер — агачлар бик иртә
Бер яфраксыз калгач…

Әллә агачлар саташкан,
Әллә көз ялгышкан…
Көзге кояш нурларына
Пәрәвез ябышкан.

Без барыбер кар салкынын,
Кыш киләсен тойдык:
Юл читендә беркөн яуган
Карлар уйдык-уйдык…

Җәй дә, көз дә, кыш та бүген!
Никтер җил дә исми…
Бу табигать кайчагында
Әллә ниләр эшли.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: