Кыз күңеле

Кадыйр Сибгатуллин, 18 июнь 2018 - 14:51

2060

***

Ник җырлыйсың, димә, шашып-шашып,

өр-яңа җыр әле ятладым.

Унисигез яшь:

минем җырлый торган,

минем җырлый торган чакларым.

Ник елыйсың, димә, ярсып-ярсып,

яшьлегемне җуйдым, тапмадым.

Егерме яшь:

хәзер елый торган,

хәзер елый торган чакларым.

Ник йөрисең, димә, качып-качып,

карашыннан куркам ятларның.

Егерме биш:

инде түзә торган,

инде күнә торган чакларым...

Следите за самым важным и интересным в Telegram-каналеТатмедиа

Безнең телеграм каналга язылыгыз «Көмеш кыңгырау»

Оставляйте реакции

К сожалению, реакцию можно поставить не более одного раза :(
Мы работаем над улучшением нашего сервиса