Көмеш кыңгырау

Интернет челтәре тотмавын сәбәпкә алыпмы...

***

Интернет челтәре тотмавын 
Сәбәпкә алыпмы, 
Бер кәгазь хат килә язасым. 
Мин озын хатларны үз итәм. 
Эзләнү түгелме 
Билгесез сырхауның дәвасын? 
Бармаклар калтырап туктата,

(Үҗәт кыз туктыймы?)

Ул яза! Канатып ярасын.
Язылгач, уйланыр "Кемгә"се
(Саташу түгелме!?)
Я, ярый, котылыйм, язылсын.
Шушы хат төгәллек кертер дә,
(Яңартып яраны)
Һәр кеше аңлар күк хатасын.
Сүзләр күп, хисләрне әйтмим дә
Бик килә (чынлапмы?!)
Хатымның азагын табасым...
Язылды аталып һәр сәбәп,
Белмим, аңларсыңмы,
Мин яздым, табарсың чарасын.
Ниһаять, тәмамлыйм сүземне
(Күңелдә бушлыкмы?..)
каләмнең бетереп карасын.
***
Бу хатны тапшыру бик мөһим
Тоела...ертыйммы?!
Тапшырам! тик яңгыр туктасын...

Адилә Әхмәтҗанова.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: