Шигърият
Иң күңелле чак
***
Җәйне көтәбез
Кайчан җитә, дип.
Җиткәч куркабыз
Үтеп китә, дип.
Җәй үзе шуны
Сизгән шикелле
Кыскарта төнне,
Озайта көнне.
Кояш соң бата,
Төннән таң ата;
Айга эш тә юк.
Ял итеп ята.
Кояшка эш күп:
Ул таңнан тора.
Иген уңдыра,
Безне кыздыра.
Безгә миләшләр,
Җиләкләр пешерә,
Яхшылык кына
Эшли кешегә.
Бари Рәхмәт.
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев