Язам, сызам, бозам, ыргытам, тагын язам...

Мин Әдилә, КДУның националь һәм глобаль медиа чаралары кафедрасында укыйм (татар журналистикасы инде, үзебезчә әйтсәк).

Төркемебез белән без көн саен нидер эшлибез: әлеге дә баягы язабыз, йөгерәбез, чараларда катнашабыз, фотога төшерәбез, видео ясыйбыз. Безнең яшьлек елларыбыз, студент чакларыбыз күңелле үтә.
Безнең факультетка укырга керүнең 3 и-и-и-иң төп уңай ягы:
1) Бушлай иң шәп чараларга керү мөмкинлеге (әйе, журналистлар спектакль-концерт премьераларына бушлай керә, соңыннан язма язарга кирәк бит!)
2) Татарстанның төрле өлкәләрендәге танылган кешеләр белән элемтәгә чыгып, алар белән аралашу мөмкинлеге (материал әзерләү максты белән, әлбәттә!)
3) Үзеңнең эшчәнлегеңә телевизор экраныннан, гәҗит-журналдан, радио дулкыныннан сөенү!
 

Үзебезнең эшчәнлегебезне сезнең өчен, кадерле укучылар, ачык ясыйсыбыз килә.

Калган кызыклы мәгълүмат – безнең инстаграм сәхифәсендә, язылыгыз!

Әдилә Закирова.

Әдиләнең тагын бер язмасы.