Вәрәшбаш авылы мәчетендә Ислам лагеры эшли

Безнең Вәрәшбаш авылы мәчетендә Ислам лагеры эшли башлады. Якшәмбе көнне авыл кешеләре: яше-карты җыелып мәчет, мәдрәсә ишегалдын җыештырдык.

Дүшәмбедән балалар лагерьга килделәр. Көн саен лагерьга йөрүче 25-30ар бала дин сабакларына өйрәнә, тәмле ризыклар белән сыйлана, төрле кул эшләре белән шөгыльләнә, хәрәкәтле уеннар уйный.

Лагерьны оештыруда, ризыклар белән тәэмин итүдә районыбызда яшәүче Розалия хаҗия ярдәм күрсәтте. Ә балаларны дин сабакларына Гөлсинә ханым өйрәтә. Тәрбиячеләр булып Чулпан Мөэминова, Рәилә Бахауовалар эшли.

Ә тәмле ризыкларны Миләүшә Хәсәнова белән Фәндәлия Гарипова пешерә. Әлеге изге эштә катнашкан барлык кешеләрга Ходайның зур рәхмәте яусын.

Миләүшә Хәсәнова.