Көмеш кыңгырау

Телебезне бергәләп саклыйк

Чеп-чи татар авылында балаларның үзара рус телендә аралашуын күреп йөрәк әрни. Ни өчен шулай?

Алга таба да шулай дәвам итсә, туган телебез аралашу теле булудан да туктамасмы? Мондый хәлне булдырмый калу өчен нәрсә эшләп була? Бу сораулар китапханәчеләрне бик борчый. Күптән түгел китапханәдә уздырылган «Халкыбызның күңел байлыгы» дигән фольклор бәйрәмендә без туган телебезнең матурлыгын, кирәклеген балаларга тагын бер тапкыр төшендерегә тырыштык. Үзебезгә ярдәмгә балаларның әбиләрен, дәү әниләрен дә чакырдык. Чөнки гаиләдә нәкъ менә алар оныкларына туган телебезне өйрәтергә, бары тик татар телендә генә аралашырга тиеш.

Бәйрәмдә әбиләр балаларга бишек җырлары, такмаклар җырлап күрсәттеләр. Бергәләшеп табышмак чиштеләр, мәкальләр әйтештеләр, татар халык уеннары уйнадылар. Телебезне бергәләп сакласак кына югалтмабыз дигән фикергә килдек.

Әлфинә Нәфыйкова, Кукмара районы Әсән-Елга авылы китапханәчесе.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: