Театр уйнап телләр өйрәнәбез!

Балалар бакчасының инновацион юнәлешен тормышка ашыру кысаларында - полилингваль белем бирү максатыннан мәктәпкәчә яшьтәге балалар өчен безнең традицион булган «театр атналыгы» булып узды. Барлык төркемнәрдә тәрбияләнүчеләр яшь тамашачылар, әниләр һәм әбиләр хөкеменә рус, татар һәм инглиз телләрендә әкиятләр тәкъдим иттеләр. Спектакльләрне күрсәткәндә төрле декорацияләр, костюмнар, театр афишалары кулланылды. Балалар рәхәтләнеп яраткан әкият геройларына әйләнделәр, үзләренең чыгышларын шигырьләр, җыр һәм биюләр белән озатып бардылар. Аларның күбесе өчен бу беренче чыгыш булды. Әти-әниләрнең театральләшкән уенда катнашуы да куанычлы вакыйга булды. Тәрбияләнүчеләр үзләренең әниләренә һәм әбиләренә бик сокланып карадылар, чөнки алар балаларыга таныш булган  әкият геройларын бик яхшы уйнадылар.

Рәмзилә Исакаева.