Көмеш кыңгырау

Сөмбелә бездә кунакта

Туган ягыбызга көз килде.

Гадәттәгечә, hәр елны безнең “Каенкай” балалар бакчасында көзгә багышланган матур бәйрәмнәр үтә. Бу көздә исә, логопед зурлар төркеме балалары “Сөмбелә бездә кунакта” дип исемләнгән искиткеч күркәм бәйрәм күрсәттеләр. Балалар көз, яшелчәләр турында белгәннәре белән уртаклаштылар. Шигырьләр, мәкальләр сөйләделәр, җырлар җырладылар, биеп тә күрсәттеләр. Бик күңелсезләнеп йөргән яңгырның да кәефен күтәрделәр, Сөмбелә алып килгән биремнәрне дә бик яхшы үтәделәр.

Бәйрәм дәвамында үткәрелгән уеннар күңелне тагын да күтәреп җибәрделәр, бәйрәмгә ямь өстәделәр. Бәйрәм күтәренке рухта барды.

Актаныш авылы 6нчы “Каенкай” балалар бакчасы тәрбиячесе Алсу Сәлихҗанова, музыка җитәкчесе Айназ Хәлилова.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: