Рәхим итегез, кошкайлар, жимнәр сиптек сезгә, куанып ашагыз!

Кышын кошлар кеше янына елыша, агач ботагына кунып чыркылдашып, адәм балаларының игелекле гамәлләренә, мәрхәмәтенә өметләнәләр. Чөнки кошларга салкыннар түгел, ә ачлык күбрәк куркыныч тудыра.
Салкын кыш айларында безнең якларда кошларга ризык табу бик кыенга туры килә. Без, "Тургай" балалар бакчасында тәрбияләнүче балалар, әти-әниләр ярдәме белән кошларга көчебездән килгәнчә ярдәм итәргә булдык - алар өчен җимлекләр ясадык. Җимлекләребез үзенчәлекле килеп чыкты. Без алардан матур күргәзмә оештырдык, бакчабыз тирәсендә үсеп утырган агачларга элдек. Балалар тәрбияче апалары белән берлектә һәр көн саен аларга җимнәр сибәләр, кошчыкларның чөкердәшә-чөкердәшә җим чүпләгәннәрен сокланып күзәтәләр. Кошларга ярдәм итә алуыбыз өчен без бик сөендек.
Кышлар житү белән
без кошларга дәшәбез:
Рәхим итегез, кошкайлар,
жимнәр сиптек сезгә,

куанып ашагыз.

Чаллы шәһәре 103нче "Тургай" балалар бакчасынан балалар һәм тәрбиячеләр.

Безнең инстаграмга кушылыгыз! Монда шәп бәйгеләр бара! ► «Көмеш кыңгырау» инстаграмда!