Әниләр өчен бәйрәм үткәрдек

Шәһәребезнең 7нче мәктәбендә белем алучы 3нче «Г» сыйныфы укучылары Әниләр көне уңаеннан иң кадерле кешеләре өчен чын бәйрәм оештырдылар. Чара театральләштерелгән тамаша һәм җыр-бию белән үрелеп барды. Әниләр дә чарадан читтә калмады, уен-конкурсларда катнаштылар. Укучылар белән бергә төрле ил көйләренә биеделәр, рәсем ясауда үз осталыкларын күрсәттеләр. Балалар тырышлыгы белән әниләр өчен бик күңелле, җылы бәйрәм  килеп чыкты. Чара чәй өстәле артында дәвам итте.