Мунчәли укуларында...

Тарихка кереп калган күп шәхесләребезнең тамырлары Чүпрәле ягы белән бәйле.

Чүпрәле чал тарихта эзләрен калдырган шәхесләр белән беррәттән,

• ике тапкыр Социалистик Хезмәт Герое, озак еллар СССР авиация сәнагате министры булып эшләгән Петр Дементьев,
• Ватан сугышы каһарманы Нурулла Фазлаев,
• Социалистик Хезмәт Герое Абдулла Сабирҗанов,
• күренекле дәүләт эшлеклесе Сәйфихан Нәфиев,
• олуг галим Нурмөхәммәт Хисамов,
• язучылар Шәриф Мөдәррис, Зәки Нури,
• шагыйрь Рәмис Әймәт,
• мәшһүр җырчылар Габдулла Рәхимкулов, Венера Шәрипова, Рафаэль Ильясов, Алсу Әбелханова,
• сәнгать осталары Һидият Солтанов, Ренат Таҗетдинов, Алсу Гайнуллина һәм башкалар белән чын-чынлап горурлана.

Җыенда «Риваять» этно төркеме, «Мишәрләр», «Яшьлек» балалар коллективының чыгышлары нур өстенә нур булды, бәйрәмгә рух өстәде. 

«Мишәрләр» фольклор-этнографик балалар үрнәк ансамбле 5 ел инде халыкара, россиякүләм конкурсларда катнашып Гран-при яулаган коллектив. Биредә 25 бала бердәм булып шөгыльләнә.

«Яшьлек» халыкара хореографик балалар ансамблен — ике коллективны да ике югары белемле тырыш укытучы Ольга Ефремова җитәкли.

«Режиссер Райна Рәшит кызы Бахтава белән бик теләп балаларга бар осталыгыбызны бирәбез», — ди ул.

Җыенда шәҗәрәләр конкурсы да оештырылган иде. Кунакчыл, соклангыч Чүпрәле халкына зур рәхмәт!

Язилә Нуруллина, Казанның 183 гимназия укучысы. Равилә Мөбарәкшина фотолары.