Кышын кем йокламый?

Балалар китапханәченең кайсы җәнлек һәм кошларның безнең якларда кышларга калуы, кышка аларның нинди ризыклар әзерләве һәм өннәрен, ояларын ничек җылытуы турында сөйләвен зур кызыксыну белән тыңлады. Шулай ук кышын йокыга талучы хайваннарны да искә төшерделәр.

Балалар «Кем кайда яши», «Хайваннарны сана» дигән мавыктыргыч уеннарда катнашты, «Җәнлекне тасвирлама буенча танып бел» викторинасы сорауларына җавап бирде. Очрашу азагында яшь китап сөючеләр хайваннар турындагы матур китап һәм журналларны карап, кышкы суыкларда җимлекләр эләргә, кошларны һәм хайваннарны ашатырга сүз бирделәр.

Ләйсән Хәертдинова, Чаллы шәһәре.