Кыш бабай шатлык өләшә!

 Яңа ел алдыннан гына була торган тылсымлы, сихри көннәрдә без «Кыш бабай шатлык өләшә» акциясе белән берничә инвалид баланың өйләренә барып, аларны бәйрәм белән тәбриклибез, бүләкләр өләшәбез. Быел Кыш бабаебыз Радик, Тимурхан һәм Настяны сөендерде. Безне бу игелекле акцияне оештырырга ярдәм итүчеләргә – Чаллы Үзәк китапханәсе хезмәткәре, Татарстанның атказанган мәдәният хезмәткәре Роза Хәмидуллинага һәм 52нче мәктәп коллективына ихлас күңелдән рәхмәтебезне белдерәбез. 

Балаларның  йөзләрендә  ихлас  елмаю, сөенеч  күрү игелекле гамәлләрнең  кирәклеген тагын бер кат искәртә кебек. Бер-беребезгә  карата бәйрәмнәрдә генә  түгел, көн дә игътибарлы, мәрхәмәтле булыйк!