IX Халыкара олимпиада тәэсирләре

Без ДУ (Универсиада авылына) урнаштык.  Ул корпуста теркәлүнең читенлекәйләре, чиратыңны көтеп басып тора-тора пешеп, арып-талып бетәсең. Бүлмәгә урнашкач, ару-талу кимеде, ашадык, ял иттек. Аннары төркемнәргә бүленеп, автобусларга утырдык та, К. Тинчурин исемендәге театр бинасына киттек. Анда Татарстанның халык артисткасы Исламия Мәхмүтованың «Син бит минем бергенәм» (6+) спектакле күрсәтелде. Мин еладым... Бик кызганыч урыны бар иде, мин тагын яшьләремне чыгарасы идем, залда тик-ток музыкасы ишетелде дә, мин спектакль беткәнче көлеп, елмаеп утырдым.

2 КӨН
Бу көнне инде олимпиаданың теоретик биремнәрен эшләдек. Шуннан соң «Авторучка» татар балалар киносын карадык. Ул - татарча мәктәп үзе генә ясаган бердәнбер фильм, аны Казанның 180 нче полилингваль мәктәбе төшергән. Миңа ул әз генә булса да ошады. 4 көн буена кич белән без өчәр сәгать кенә йокладык. Сез нишләдегез дип сорарсыз.  Безнең бүлмәдәге 4 Әлмәт кызы белән уеннар уйнап, олимпиадага әзерләндек. Менә шулайрак үтте ул 4 көн.

Гомумән,  сәяхәтебез күңелле булды. Бик тиз узып китте бу көннәр!

Әмир Фәрхуллин, Мамадыш районы, Кече Кирмән мәктәбе.