Иске Солтангол - туган авылым

Мин Актаныш районы Иске Солтангол авылында яшим. Әтием дә монда туган. Әби, бабамнар шушы җирдә иген чәчкәннәр, урганнар.

Авылым табигатьнең иң матур җиренә урнашкан: тирә-ягында урман-кырлар, иген басулары, аланлыклар бар. Авыл читеннән бик матур булып Биҗады елгасы ага. Ерак түгел Әхмәтгали, Гобәй абзыйларның посадкалары: алар утырткан агачлар тирә-якка ямь бирә. Кайчандыр авылым зур булган. Җәй көне сарык, сыер, ат көтүләре чыккан. Тик әкренләп яшьләр шәһәрне үз иткән. Өлкәнәйгән апа-абыйларга мал асрау авырлашкан. Авылым әкренләп картайса да мин аны яратам, аның белән горурланам.

Рүзәл Арсланов, Актаныш районы, Богады мәктәбе.