Гореф-гадәтләрне онытмыйбыз

Түбән Кама шәһәренең «Мирас» балалар бакчасында нәни дусларыбыз белән әлеге акция кысаларында, татар халык уены «Йөзек салыш» уйнадык.

Бу уен хәзерге балаларга таныш та түгел. Ә үзе нинди кызык уен! Уен кагыйдәләрен искә төшереп китик.

Йөзек салыш уенын әби-бабаларыбыз болай уйнаганнар: уенчылар урындыкларга тезелешеп утыралар. Уенны алып баручы бии-бии аларның учларына «йөзек сала». Алып баручының «Кемдә йөзек, йөгереп чык» дигән сүзләре әйтелгәч, «йөзекле» уенчы иптәшләренә сиздермичә генә торып, уеннан чыгарга тиеш, ә иптәшләре аны җибәрмәскә, тотып калырга тиешләр. Җиңелүчегә җәза бирелә. Алга таба уен дәвам итә.

Резидә Вәлиева, Түбән Кама шәһәренең 7нче балалар китапханәсе хезмәткәре.

Безнең телеграм каналга язылыгыз «Көмеш кыңгырау»