Cпорт белән дус булыгыз!

Физкультура һәм спорт белән шөгыльләнеп, сәламәт яшәү рәвеше алып бару минем шигарем.

Мин 3 яшьтән 6 яшькә кадәр боз сараенда хоккей уйнарга өйрәндем. Аннан 3 ел бассейнга йөзү түгәрәгенә йөрдем. 2 елдан артык үзем укыган мәктәп спортзалында бадминтон уйнау серләренә төшендем. Хәзерге вакытта «Олимп» спорт мәктәбенең «Титан» гер спорты залында гер күтәрү белән шөгыльләнәм. Тренерым — Петров Олег Иванович.

Күпләр бу спортта көч хәлиткеч роль уйный дип уйлыйлар. Герләрнең авырракларын кулга алганчы, башта техник яктан әзерләнеп, җиңел гер белән меңләгән кабатлаулар башкарырга кирәк. Әйе, бу авыр һәм бертөрле эш. Ләкин, дуслар белән шөгыльләнгәндә авырлыклар сизелми.

Сәламәт тәндә сәламәт акыл диләр. Яшьтәшләрем, спорт белән дус булыгыз!

Вәҗетдинов Тимур, Минзәлә шәһәре, 1нче санлы урта мәктәпнең 7 «М» класс укучысы.