Чаллының 4нче «Шаянкай» балалар бакчасында экология атналыгы узды

Атна дәвамында балалар экологиягә кагылышлы рәсемнәр ясадылар, экологияне саклаучы, яклаучы геройлар белән таныштылар. 
Аларның исемнәре дә табигать кебек матур – Шаян, Тыныч, Чыршыкай, Акыллы.

Балалар өчен “Без табигать дуслары” дигән чара үткәрелде. Балалар ике командага бүленеп көч сынаштылар, табышмакларга җаваплар таптылар, сорауларга төгәл җаваплар кайтардылар. 
Балаларга киңәшләр бирелде: “Табигатьне саклауда башкаларга һәрчак үрнәк булыгыз” диделәр тәрбияче апалар.

Габдрахимова Гөлсирин Раушановна, тәрбияче.