Көмеш кыңгырау

Чаллының 4нче «Шаянкай» балалар бакчасында экология атналыгы узды

Чаллының 4нче «Шаянкай» балалар бакчасында күңелле һәм файдалы кичәләр еш үтә. Чираттагысы  - экология атналыгы иде.

Атна дәвамында балалар экологиягә кагылышлы рәсемнәр ясадылар, экологияне саклаучы, яклаучы геройлар белән таныштылар. 
Аларның исемнәре дә табигать кебек матур – Шаян, Тыныч, Чыршыкай, Акыллы.


Балалар өчен “Без табигать дуслары” дигән чара үткәрелде. Балалар ике командага бүленеп көч сынаштылар, табышмакларга җаваплар таптылар, сорауларга төгәл җаваплар кайтардылар. 
Балаларга киңәшләр бирелде: “Табигатьне саклауда башкаларга һәрчак үрнәк булыгыз” диделәр тәрбияче апалар.


Габдрахимова Гөлсирин Раушановна, тәрбияче.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: