Чаллыда “Ак каурый” әдәби түгәрәге иҗаты җыентыгы чыкты

“Ак каурый” әдәби түгәрәге 4 ел эшләү дәверендә, төрле дәрәҗәдәге бәйгеләрдә катнашып, шактый зур уңышларга иреште, укучыларыбыз иҗаты белән бик күпләр таныш. Яшь каләм тибрәтүчеләрне зурлап, мәктәбебезгә мөхтәрәм кунаклар килде:

• “Ак каурый” әдәби түгәрәгенә җыентыкларын бүләк итүче олы йөрәкле шәхес -Татарстан язучылар берлеге әгъзасы, Шәйхи Маннур исемендәге әдәби бүләк иясе, “Идел–Урал” хәйрия фонды җитәкчесе Рәкит Аллабирде. Аңа олы рәхмәтебезне белдерәбез;
• Татарстан Язучылар берлеге әгъзасы, Чаллы язучылар оешмасы җитәкчесе, Татарстанның атказанган мәдәният хезмәткәре, Татарстан Язучылар берлегенең Г. Исхакый һәм А. Алиш исемендәге әдәби премияләр лауреаты Факил Миннемөхәммәт улы Сафин;
• Чаллы шәһәренең Мәгълүмати-методик үзәк методисты Рәшидә Фидаил кызы Хисаметдинова;
• Татарстан язучылар берлеге әгъзасы, Шәйхи Маннур, Фатих Хөсни һәм Һанс Кристиан Андерсен исемендәге әдәби бүләкләр иясе, шагыйрь, прозаик, Мамадыш районы “Хәтер” фонды җитәкчесе Рафаэль Газизов;
• Чаллы шәһәренең 12нче китапханәсе мөдире Әлфия Зөфәр кызы Аксуева.

Бик эчтәлекле, кызыклы, кирәкле очрашу булды. Укучылар матур чыгышлар ясадылар, күренекле кунакларыбыз тирән мәгънәле, зур әһәмияткә ия фикерләре белән балаларны рухландырдылар, илһам канатлары өләштеләр. Барчасына да сәламәтлек һәм уңышлар телибез, олы рәхмәтебезне белдерәбез!

Чаллы шәһәре 41нче урта мәктәбенең ана теле һәм әдәбияты укытучысы, «Ак каурый» берләшмәсе җитәкчесе Гөлия Вагыйзова.