Без – табигать балалары

Безнең балалар бакчасында кечкенә урман почмагы бар. Анда елның төрле вакытларында туган якның агачларын, куакларын, үләннәрен күзәтәбез. Өйрәнгән табышмаклар, шигырьләр, сынамышларны искә төшерәбез. Шулай итеп, балаларга туган җирнең матурлыгын күрә белергә, аңа һәрвакыт ярдәм итәргә кирәклеге турында сөйлибез.Урамга йөрергә чыкканда һәрвакыт табигатьне саклау кагыйдәләрен искә төшерәбез. Балалар бу кагыйдәләрне тормышта да куллана беләләр. Бакчада гына экологик тәрбия биреп, ата-аналар тарафыннан ярдәм булмаса, уңай нәтиҗәләргә ирешеп булмас иде. Без эшебездә һәрвакыт аларның ярдәмнәрен тоябыз.

Эльвира Сабирҗанова, Азнакай шәһәре, 10нчы балалар бакчасы.