Беркөнне иртән фотокамерага күз төшердем дә...

Мин кышкы каникулларны яхшы итеп үткәрдем дип әйтсәм буладыр, чөнки-чөнки:

* Әти белән ишегалдын кардан чистарттык. Чиста, шома ишегалдыннан йөрү рәхәт икәнен тойдым.

* Күңелдә берничә  шигырь туды, шуның 60 проценты кәгазьгә теркәлде.

* Бервакытны иртә белән камерага күз төшердем дә, мал карашкач, берничә фото төшердем. Сез аларны гәҗиттә һәм галереядә күрә аласыз.

* Район чыршысында Кыш бабай биргән тартманы биргән көнендә үк диярлек ашап бетердек.

* Тәрәзә төбенә май куеп, чыпчыклар, песнәкләр, күкшәләр ашаттым.

Әмир Фәрхуллин, Мамадыш, Кече Кирмән.