Көмеш кыңгырау

 Бала тәрбияләүдә ярдәм итү – төп максатыбыз

Чаллы шәһәренең 78нче  “Чыршыкай” балалар бакчасы педагоглары бакчага йөрергә әзерләнүче балаларның ата-аналары белән тыгыз эшчәнлек алып баралар.

Бу гаҗәп тә түгел: быел “Чыршыкай” балалар бакчасы  федераль конкурста “КОМПАС” проекты белән җиңеп, балалы гаиләләргә педагогик-психологик, методик ярдәм күрсәтү максатын күздә тотып эшләүче “Бергәләп үсәбез” гаилә консультацион үзәге эшен тагын да киңәйтеп җибәрдек.

Безнең үзәккә үзләрен борчыган сораулар белән шәһәребезнең балалы яшь әти-әниләре, бу өлкәдә тәҗрибәсе булган әби-бабайлары гына түгел, ә тирә-як район-авылларда яшәүчеләр дә мөрәҗәгать итәләр. Гаиләдә сабый тугач, күңелле мәшәкатьләр белән беррәттән,  бала тәрбияләүдә җавапсыз калган бик күп сораулар, борчулар да барлыкка килә. Бигрәк тә тәҗрибәсе аз булган яшь әни бу кыенлыклар алдында бер ярдәмсез кала, шуңа күрә дә без үзебезнең бакчада индивидуаль рәвештә дә, өйләргә очрашуга чыгып та,  әле бакчага йөрмәүче балаларның әти-әниләре өчен  төрледән-төрле консультацияләрне онлайн һәм офлайн форматта үткәрәбез. 

Инде тәҗрибәдән чыгып шуны да әйтәсе килә: сабый  туганнан алып безнең белән бергә тәрбия мәсьәләләрен чишкән гаиләдәге балалар бакчасына йөри башлагач та, яңа шартларга җайлырак ияләшәләр, психологик борчылуларны азрак алалар. 


Әлфирә Баһаветдинова, Чаллы шәһәре,78 нче “Чыршыкай” балалар бакчасының татар теле тәрбиячесе.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: