Әлегә бу минем җәйге каникулда көтелгән уй-хыялларым гына. Киләчәк хикәямдә аларның ничек чынга ашканын язармын.
Менә ямьле җәй дә килеп җитте. Җәйне яратмаган кеше юктыр ул. Без бала-чага өчен җәй — өч айга сузылган бер зур бәйрәм.
Җәйге ялга минем планнарым бик күп. Аның беренче пунктында — сабантуйлар. Районыбыз һәм авыл сабантуйларына барачакмын. Анда дустым Лилия белән йөриячәкбез дип торам.
Шулай ук җәй көне бакча эшләрен эшлисе була: су сибү, чүп утау һәм башкалар. Җәен тәмле җиләкләр җитешә, шуларны да әни белән күп итеп җыярмын дип уйлыйм.
Әле укытучы апалар биргән китапларны да укырга онытмаска кирәк. Хыялларымнын иң мөһиме — гаиләм белән бергә диңгез буена ялга бару.
Әлегә бу минем җәйге каникулда көтелгән уй-хыялларым гына. Киләчәк хикәямдә аларның ничек чынга ашканын язармын.
Дуслар, ә сез җәйгә нинди планнар кордыгыз?
Дилбәр Фәрзекәева, Балык Бистәсе районы, Күгәрчен урта мәктәбе.
Безнең телеграм каналга язылыгыз «Көмеш кыңгырау»
Нет комментариев