“Энҗе бөртеге”

Һәм чыннан да безнең төркемебездә бәләкәй энҗе бөртекләре тәрбияләнә. Шуларның берсе – Самина исемле кызыбыз. Ул әле 4 яшьтә генә булса да,озын – озын татарча шигырьләр ятлап, бәйгеләрдә катнаша. Республика күләм оештырылган “Бәхет йолдызы” бәйгесендә 1 урын, балалар бакчасында оештырылган “Яшь җәлилчеләр” шигырь бәйгесендә 1 урын, “Туган телем – минем байлыгым” бәйгесендә 2 урын яулады. Без Саминаны шушы җиңүләре белән котлыйбыз. Һәм аңа киләчәктә дә яңа бәйгеләрдә катнашып, зур җиңүләргә ирешүен теләп калабыз.

Резидә Мазитова, Энҗе Салихова,Юлия Валиева, Чаллы шәһәре, 6 нчы “Зәңгәр чәчәк” балалар бакчасы тәрбиячеләре.