Рамазан ае – изге ай

Рамазан ае — мөселман халкы өчен иң изге, иң рәхмәтле айдыр. Чөнки бу айда Аллаһ Тәгалә безгә шулкадәр күп саваплар бирә икән, ул савапларның микъдарын, никадәр күп булуын Аллаһтан башка беркем дә белә алмый. Рамазан ае шулкадәр әһәмиятле, аннан башка Коръәндә бер ай да үз исеме белән язылмаган. Бу елны Рамазан ае март һәм апрель айларына туры килде. Хәзер инде изге аебызның беренче ункөнлеге тәмамланды.

Мин әнием белән бергә ураза тотам. Бергә тоткач, күпкә саваплы да, күңелле дә, жиңел дә. Бергә ифтарда авыз ачканнан соң, мин тәравих намазына әзерләнә башлыйм. Анда да бик күңелле, чөнки мин сыйныфташларым белән бергә йөрим. Кайчан да булса барыбызга да Аллаһ Тәгалә алдында җавап бирәсе булачак, шуңа кылган гамәллеребез турында хәзердән үк уйларга, дөрес юлдан барырга кирәк. 

Шәмсевәлиев Рүзәл — Балык Бистәсе районы Күгәрчен урта мәктәбенең 9 нчы сыйныф укучысы.