Исемне алыштырырга ярыймы?

Беренче чиратта, әлбәттә, балага матур, мәгънәле исемнәр кушылырга тиеш, диләр дин галимнәре. Бу – әти-әнинең бурычы! Чөнки безнең исемнәр киләчәк язмышларыбызга да тәэсир итә.  

Пәйгамбәребез: «Иң сөекле исемнәр – Габдуллаһ һәм Габдрахман» – дип әйтеп калдырган. Пәйгамбәрләр исемнәрен кушу да хуплана: Мөхәммәд, Әхмәд, Хәбиб, Ясин, Мостафа, Муса, Юныс, Йосыф...

Ямьсез, мәгънәсез исемнәрне матур исемнәргә алыштыру сөннәт гамәл. Ләкин исем сайлаганда да дин әһелләре белән киңәшләшү кирәк икән. Югыйсә, без сайлаган исем хәзергесеннән дә начаррак булырга мөмкин! 

Безнең телеграм каналга язылыгыз «Көмеш кыңгырау»