Шатлык таратучы бака

Бер камышлы күлдә яшәгән, ди, булган, ди бер бака. Шат күңелле булган ул. Көн дә елмаеп, шатлык таратып йөргән.

Бервакыт бакага юлында күбәләк очраган. Ул боек, кәефсез булган. Бака күбәләккә караган да елмаеп куйган. Аңа карап, күбәләк тә елмайган, аның да күңеле күтәрелгән.

Ә икенче бервакытны бака кәефсез үрмәкүчне күргән. Үрмәкүчкә елмаеп караган икән – аның да күңеле күтәрелгән.

Шулай елмаеп, шатлык таратып йөргән бу бака. Ләкин бер көнне аның үзенең кәефе төшкән. Бака янына күбәләк белән үрмәкүч килгәннәр. Алар бакага карап елмайганнар. Тылсымлы елмаю бакага да күчкән, ул да елмаеп җибәргән.

Елмаю һәркемгә килешә шул. Елмаю дөньяны бизи. Сез дә елмаегыз!

Әхмәт Сәрвәров, Чаллы, 2нче гимназия.