«Йөрәкләр елъязмасы» акциясендә катнашыгыз

Акциядә катнашу өчен Бөек Ватан сугышы темасына багышланган шигырь сөйләп видео яздырырга кирәк. 

Видеода иң башта үзегез белән таныштырасыз - исемегез, фамилиягез, ничәнче сыйныфта укуыгызны, шәһәр яки авылыгызны әйтәсез, шигырьне кемгә багышлавыгызны, аның авторын һәм исемен әйтергә кирәк була.

Роликның озынлыгы 15 секундтан 5 минутка кадәр була ала.
Видеоның сыйфаты 1280*720 пиксельдән ким булмаска тиеш.

Акциядә Россиянең бөтен мәктәп укучылары катнаша ала. Алар Бөек Ватан сугышы ветераннарын котлый яисә чыгышларын үзләренең батыр сугышчы бабаларына багышлый алалар.  

Видеоны яздыргач, letopisserdec@yandex.ru  адресена җибәрергә кирәк була.

Шулай ук 2020 елның 8 маена кадәр #летописьсердец #культурныймарафон хэштеглары белән социаль челтәрләрдә урнаштыра аласыз.

Видеороликта Бөек Ватан сугышында катнашучы туганыгызның портретын урнаштырырга була – ул чакта сезнең видео «Үлемсез полк» акциясе сайтында басылырга мөмкин.