Көмеш кыңгырау

Яр Чаллы шәһәре

Ил яңалыклары

Татарстаннан 400дән артык укучы төрле фәннәр буенча бөтенроссия олимпиадасының йомгаклау этабында катнашачак

20нче марттан 30нчы апрельгә кадәр 24 гомуми белем бирү предметы буенча Бөтенроссия олимпиадасының йомгаклау этабы уза. Олимпиада Россия Федерациясенең 16 төбәгендә оештырылачак, шулар арасында: Мәскәү, Санкт-Петербург, Белгород, Свердловск, Ульяновск, Төмән, Калининград, Түбән Новгород, Киров өлкәләре, Ставрополь крае, Татарстан Республикасы һәм Башкортстан бар.

 

Хәзерге вакытта Татарстанның 55 укучысы химия, икътисад, француз теле һәм тарихы буенча олимпиадаларда катнаша. Беренче интеллектуаль ярышлар нәтиҗәләре 26 мартта билгеле булачак.

Быел Бөтенроссия олимпиадасының йомгаклау этабын үткәрү процедурасы бераз үзгәртелде. Әгәр олимпиада турлары үзләре оффлайн узса, биремнәрне тикшерү, эшләр күрсәтү һәм апелляция дистанцион форматта оештырылачак. Олимпиаданы ачу турыдан-туры уза, ә олимпиадаларны ябу онлайн режимда планлаштырыла.

2020-2021 уку елында Бөтенроссия олимпиадасының йомгаклау этабына Татарстан Республикасының 414 укучысы чакырылган, бу узган елгы күрсәткечтән 96 га күбрәк.

Үткәрү баллары буенча узган катнашучылар Бөтенроссия мәктәп укучылары олимпиадасының йомгаклау этабында катнашуга әзерлекне дәвам итәләр.

«Дуслык» комплексы базасында олимпиадаларга әзерлек максатында гомуми белем бирү предметлары буенча укыту-тренировка җыеннары оештырылды. Җыеннар традицион форматта да, онлайн-платформаларда да уза. Балаларны республикабызның иң яхшы тренерлары һәм укытучылары әзерли.

Бөтенроссия олимпиадасы дүрт этапны үз эченә ала: мәктәп, муниципаль, төбәк һәм йомгаклау. Дүрт ел гамәлдә булган олимпиада дипломнары теләсә кайсы Россия югары уку йортына тиешле профиль буенча имтиханнарсыз керергә хокук бирә.

Чыганак: https://mon.tatarstan.ru/

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев