Татарстанда «Ярдәм янәшә! Помощь рядом!» акциясе ахырына якынлаша

Әлеге акция Татарстан Президенты Рөстәм Миңнеханов инициативасы һәм Ак Барс банкының матди ярдәме белән үткәрелә.

Волонтерлар республика буенча азык-төлек җыелмаларының соңгы партияләрен тапшыра.
Әлеге хәрәкәткә Ак Барс банкы хезмәткәрләре дә кушылды. 

55 меңнән артык гаилә ярдәм күрде - бу 220 меңгә якын җыелма дигән сүз.

Ярдәм алучыларның исемлеген ТР Хезмәт, мәшгульлек һәм социаль яклау министрлыгы, ТР Мәгариф министрлыгы һәм муниципалитетлар билгеләде. Әлеге исемлеккә ветераннар, ялгыз пенсионерлар, аз керемлеләр, медицина хезмәткәрләре, шулай ук пандемия вакытында аеруча зыян күргән эшмәкәрләр кергән.

Хәйрия акциясенең актив катнашучылары - предприятие җитәкчеләре, эшмәкәрләр, иҗтимагый оешма вәкилләре, хәйриячеләр һәм битараф булмаган кешеләр.

«Хәзерге кебек ситуацияләрдә ышаныч хисен булдыру мөһим, кешеләр бәла килгәндә ялгыз түгел икәнлекләрен һәм һәрвакыт ярдәм итәргә әзер кешеләр табылачагына ышанырга тиеш», - дип билгеләп үтә акциянең мөһимлеген Татарстан Президенты Рөстәм Миңнеханов.

Фото http://zt116.ru/ сайтыннан