Татарстанда мәктәп укучылары “Мәдәни марафон”да катнаша

Казан циркындагы чара Татарстан Президенты Рөстәм Миңнехановның видеомөрәҗәгатеннән башланды. Ул балаларны мәдәни марафонга кушылырга чакырды. Казан балаларын шулай ук ТР мәдәният министрының беренче урынбасары Юлия Әдһәмова, ТР мәгариф һәм фән министры урынбасары Алсу Әсәдуллина сәламләде.

«Минемчә, бу масштаблы һәм кызыклы проект кына түгел, кирәкле дә проект. Классик сәнгать приоритетларын дөрес билгеләргә булыша. Без мәдәниятнең тормышыгызда аерылгысыз булуын телибез. Бу проект укучыларга шәхес үсешенә ярдәм итәчәк», - диде Юлия Әдһәмова.

Алсу Әсәдуллина бу проект ярдәмендә укучыларның мәдәни көндәлеге кызыклы чаралар белән тулы булачагына ышаныч белдерде.

• Татарстан 2019-2020 елларда Бөтенроссия мәдәни-агарту проектын тормышка ашыручы пилот регионнар исемлегенә кертелгән. Ул Татарстан Мәдәният министрлыгы тарафыннан, Татарстан Мәгариф һәм фән министрлыгы ярдәме белән оештырыла. Проект балаларны мәдәни тирәлеккә якынайту максатыннан оештырыла. 

Казан циркындагы рәсми чарадан тыш, укучылар өчен музейларга, театрларга һәм китапханәләргә бушлай экскурсияләр оештырыла. Балаларга квестларда, осталык дәресләрендә, сәхнә артына сәяхәтләрдә катнашачаклар.

Бу хакта тулырак: https://tatar-inform.tatar/news/2019/10/02/194623/