Сарман районында «Татар егете, татар кызы» конкурсы җиңүчеләрен билгеләделәр

Сарман районының Илһам Шакиров исемендәге балалар сәнгать мәктәбендә «Татар егете, татар кызы» район бәйгесе узды.

Чарада район балалар бакчаларыннан 12 бала катнашты. 

Балалар иң элек үзләре белән таныштырды, музыкаль сәләтләрен күрсәтте. Аннан яраткан шөгыльләре күрсәттеләр. Нәтиҗәдә, Җәлил бистәсенең «Аленушка» балалар бакчасында тәрбияләнүче Резедә Зарипова һәм Сарманның «Ләйсән» балалар бакчасыннан Салават Сәрвәров Гран-прига ия булды.

Җәлилнең «Әкият» бакчасыннан Әминә Гаязетдинова, Юлтимер балалар бакчасыннан Дамир Хәбибуллин беренче урынны яулады.

Тулырак: https://tatar-inform.tatar/news/society/15-03-2022/sarman-rayonyny-tatar-egete-tatar-kyzy-konkursy-i-chel-re-bilgele-buldy-5851399