Көмеш кыңгырау

РФ Мәгариф һәм фән министрлыгында мәктәпләрдә флаг күтәрү стандартын расладылар

Яңа уку елының 1нче сентябреннән уку атнасы башында РФнең барлык мәктәпләрендә дә Дәүләт гимны башкарылачак һәм флаг күтәреләчәк. 

РФ мәгариф министры Сергей Кравцов Россия мәктәпләрендә флаг күтәрү стандартын раслады.

«Бүген мин мәктәпләрдә Дәүләт флагын күтәрү тантанасы стандартына кул куйдым. Бу стандарт Россия Президенты каршындагы Геральдика советы рәисе белән килештерелгән», – дип сөйләде Мәгариф һәм фән министры һәм документта флаг һәм гербны күтәрү тантанасын үткәрү тәртибе җентекләп тасвирланган дип өстәде.

Исегезгә төшерәбез, яңа уку елының 1 сентябреннән уку атнасы башында РФнең барлык мәктәпләрендә дә Дәүләт гимны башкарылачак һәм флаг күтәреләчәк. 

Россия Президенты Владимир Путин бу инициативаны хуплады һәм мондый тантаналарны тиешенчә оештырырга кушты.

Элегрәк ТР Президенты матбугат хезмәте җитәкчесе Лилия Галимова республика мәктәпләрендә Татарстан гимнын уйнату мөмкинлеген бәяләде.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: