Мәскәү компаниясе Татарстанда өч мегамәктәп төзергә планлаштыра

Бу хакта «Челнинские известия» сайты хәбәр итә.

Татарстан хакимияте «Прошкола» оешмасы белән Чаллыда, Казанда (икесе дә 1501 урынга) һәм Арча районында (500 урынга) өч мәктәп төзер өчен концессион килешү планлаштыра. Төзелеш 2024 елның ахырына кадәр төгәлләргә тиеш.

Концессия - ул дәүләт объектына эшмәкәр (концессионер) ия була дигән сүз. Бу очракта ул объекттан табыш алырга мөмкин. Әйтик, «Прошкола» оешмасы әлеге мәктәпләрдә өстәмә белем бирү хезмәтләре күрсәтә алачак. Килешү 15 елга кадәр төзелә, шуннан соң мәктәпләр муниципалитетлар яки республика милкенә күчә.

Чаллыда концессия буенча ике бассейнлы дүрт катлы мәктәп төзергә ниятлиләр, аның мәйданы 30 мең квадрат метр тәшкил итәчәк. Мәгариф учреждениесен төзүгә дәүләт 590,8 млн сум бирәчәк, шул исәптән федераль бюджеттан 478,6 млн сум. Татарстан компаниягә 2,6 млрд. сум түләргә планлаштыра. Яңа мәктәпнең кайда урнашачагы әлегә билгеле түгел.