Лилия Галимова «Слово пацана» сериалы турында: «Татарстанда кино төшерү өчен лаеклырак темалар да бар»

Чаллыда Жора Крыжовниковның «Слово пацана» сериалында төшү өчен яшүсмерләр арасында кастинг уза дип хәбәр иткән идек.

Республика хакимияте «Слово пацана» криминаль сериалы турында үз фикерен белдерде.

«Татарстанның меңъеллык тарихы күпкә лаеклырак вакыйгаларга ия» дип белдерде ТР Президенты матбугат хезмәте җитәкчесе Лилия Галимова журналистлар белән узган брифингта.

"Республикабызның мең еллык тарихы булган башкаласында экраннарда күрсәтергә лаек булган кызыклы һәм гыйбрәтле вакыйгалар күп. Безнең мәдәниятебез бай һәм кызыклы. Безнең яшь буынга күрсәтер өчен, криминаль төркемнәргә караганда да тирәнрәк һәм кызыклырак нәрсәләр бар», – дип нәтиҗә ясады Лилия Галимова.