Күп балалы гаиләләргә планшетлар бирелә башлады

Татарстан Президенты Рөстәм Миңнеханов күп балалы мохтаҗ гаиләләрдәге 9нчы һәм 11нче сыйныф укучыларын планшетлар белән тәэмин итәргә кушты. Бу хакта ТР Президенты матбугат хезмәте җитәкчесе Лилия Галимова хәбәр итте.

«Хәзер җаваплы чорга — чыгарылыш имтиханнарын тапшыруга әзерләнүче балаларга ярдәм итү аеруча мөһим. Балалар килеп туган хәлдән интегергә тиеш түгел, безнең бурыч аларга уңайлы шартлар тудыру, моңа аеруча мохтаҗ гаиләләргә ярдәм итәргә кирәк», — дип белдерде ул.

Галимова билгеләп үткәнчә, планшетлар мәктәпләргә тапшырыла, мәктәпләр балаларга тарата.

Шул рәвешле Республикада 749, Чаллыда 354 планшет бирелгән.

Фото: tatarstan.ru
Чыганак : «Реальное время»