Казанда «Ак калфак» конкурсының өченче туры була

2-3 мартта Казанда V Бөтенроссия «Ак калфак» конкурсының өченче туры була.

Конкурс 18 яшькә кадәрге кызлар арасында уздырыла, дип хәбәр итә Бөтендөнья татар конгрессы.  

Программа кысаларында алар Бөтендөнья татар конгрессы эшчәнлеге белән таныша. Шулай ук кызлар үзләренең гаилә кыйммәтләре турында сөйләячәкләр, гореф-гадәтләр белән уртаклашачаклар.

Жюри әгъзалары яшь кул осталарының иҗатын һәм осталыкларын бәяли. Моннан тыш, конкурста катнашучылар өчен камыр ризыклары әзерләү мастер-класслары да каралган, анда яшь хуҗабикәләр татар милли ризыгы — токмач ашы әзерләргә өйрәнә, диелә хәбәрдә.  

Фотода Яңа Чишмә районы Чаллы Башы авылында үткән бәйге катнашучылары.

Тулырак: https://tatar-inform.tatar/news/tatar_world/28-02-2022/kazanda-ak-kalfak-konkursyny-chenche-tury-bula-5850371