Татарстан егете "Җиңү диктанты" җиңүчесе булган

admin, 20 июнь 2019 - 14:46

1972

Булат Заһретдинов Бөек Ватан сугышы турында 20 биремне 5 минутта чишкән.

Татарстан егете "Җиңү диктанты" җиңүчесе булган

Чаллының 2нче гимназиясендә укыган Булат Заһретдинов - "Җиңү диктанты" акциясенең федераль җиңүчеләре арасында бердәнбер Татарстан егете.

Булат биремнәрне барлык катнашучыларга караганда да тизрәк чишә алган. Диктанка 45 минут вакыт бирелсә дә, ул моны 5 минут эчендә башкарып чыккан.

Булат Заһретдинов бу проект турында тарих укытучысы аркылы белгән. Иң авыр сорау - Польшаның борынгы башкаласы турында иде, ди ул.

«Безгә текст бирделәр, анда язылганнарга карап совет гаскәрләренең кайсы шәһәрне коткарганын белергә кирәк иде. Җавабы - Краков шәһәре.
Мәдәният өлкәсеннән дә сораулар бар иде. Мәсәлән, „Живые и мертвые“ романын кем язган? Минемчә, моның Константин Симонов икәнен бик күп кеше белми.
Һәм алда әйтелгән сораудагы Польшаның борынгы башкаласын күп кеше Варшава дип уйлады. Ә мин аның Краков икәнен белә идем», — диде җиңүче егет «Вверх» партия порталына белән әңгәмәсендә.

Булат Заһретдиновны 22нче июньдә Мәскәүгә Җиңү Музеена бүләкләү тантанасына чакырганнар.

"Җиңү диктанты" дип аталган тарихи диктант - "Бердәм Россия" проект кысаларында үтүче акция.
Ул 7нче май көнне үтте. Анда Россиядән һәм дөньяның 23 иленнән катнашучылар булды.
Татарстанда Әлмәт, Бөгелмә, Чаллы, Түбән Кама һәм Казан шәһәрләреннән катнашучылар бар иде.
"Җиңү диктанты" Бөек Ватан сугышы һәм Җиңүнең 74 еллыгына багышланды.