Бүген Рөстәм Миңнеханов зур матбугат конференциясе үткәрә

Татарстан Президенты Рөстәм Миңнеханов 24нче декабрь көнне зур матбугат конференциясе уздыра. Ул 11 сәгатьтә башлана. Аны шушы сылтама аша ► https://youtu.be/Yltjg7nYeis онлайн карап булачак. 

Республика һәм федераль матбугат чаралары вәкилләре белән очрашу ТР Милли китапханәсендә була. Биредә Президент узган елга йомгаклар ясый, киләсе елга планнар белән уртаклаша, узып баручы елдагы вакыйгаларга бәя бирә.

Матбугат чарасы трансляциясе республика матбугат чаралары сайтларында, шулай ук «Татар-информ» мәгълүмат агентлыгы сайтында була.