Театрның матбугат хезмәте хәбәр иткәнчә, иң яхшы эшләр Камал театры фойесында куелачак. Конкурсның төп призы ВИП-абонемент — 116нчы сезонның һәр премьерасына 2 кешелек чакыру.

Конкурста катнашу өчен:

• «Камал театрының яңа бинасын сез ничек күрәсең?» дигән темага рәсем ясарга.
• Рәсемне театрның ВКонтакте төркемендәге махсус альбомга урнаштырырга. Рәсем астына баланың исем фамилиясен яшен күрсәтергә. Бер катнашучыдан өч эш кабул ителә.
• Үзегезнең вконтакте яки инстаграмда битегездә (аккаунт ачык булырга тиеш) #камал_116_сезон #виптамашачы #камалтеатрыняратам хэштэглары белән рәсемне урнаштырырга
• Театр төркеменә язылырга.

Конкурс эшләре 17нче сентябрьгә кадәр кабул ителә. Аннары 18-19нчы сентябрьдә жюри әгъзалары 9 иң яхшы рәсемне сайлап ала. 20-29нчы сентябрь көннәрендә театрның Вконтакте төркемендә иң яхшы эшләр өчен тавыш бирү үткәрелә. 30нчы сентябрьдә җиңүче игълан ителә. Рәсми бүләкләү 1нче октябрьдә яңа 116нчы сезон ачылышында үтәчәк.

Чыганак: https://belem.ru