Ана капиталы программасы 2026 елга кадәр озынайтылачак

Ана капиталы программасы 2026 елга кадәр озайтылачак, ә беренче балалары туган гаиләләр ярдәмгә исәп тота алачак. Бу хакта Россия Президенты Владимир Путин Федераль Җыенга еллык юлламасында хәбәр итте.

Ана капиталы буенча 2020 елның 1 гыйнварыннан үз көченә керергә тиешле яңа, өстәмә карарлар тәкъдим итәргә теләвен әйтте Путин. Инде беренче бала туганда ук гаилә ана капиталына аның бүгенге күләмендә алу хокукына ия булачак.

Ул шулай ук ана капиталын 150 мең сумга арттырырга тәкъдим итте. Бу өстәмә акчага гаилә икенче бала туганда хокуклы булачак. Шулай итеп, ике балалы гаиләләр өчен ана капиталының гомуми күләме 616 мең сумга җитәчәк һәм киләчәктә ел саен индексацияләнәчәк һәм 2026 елга кадәр озынайтылачак.

Татар-информ