Көмеш кыңгырау

Журналистика - бик кызык һәм мавыктыргыч дөнья

Журналист Алинә Хафизова үз һөнәренең үзенчәлекләре белән таныштыра.

Мин балачактан журналист булырга хыялландым. Бер яшьлек чагымда, үземнән дә зур гәҗит карап утырган фотом да бар. ⠀
Кечкенәдән гәҗит-журналлар укырга хирыс булдым. Әниемә рәхмәт, өйгә бер кочак басма матбугат алдыра иде. Район гәҗите белән бергә "Азат хатын", "Татарстан яшьләре", "Ватаным Татарстан", "Юлдаш", "Сабантуй", "Ялкын" килде безгә.
Яңа гәҗит китермәделәрме икән дип почта тартмасын көнгә әллә ничә тфапкыр тикшереп йөрим, алар килгәч, бәхет кошы тоткандай, иии сөенә идем. Ул яңа килгән гәҗит исләренең тәмлелеге... Сүз белән аңлата торган түгел. Моны минем ишеләр генә аңлый торгандыр.
Шул рәвешле, башка һөнәрләрне бар дип тә белмәдем. КДУның журфагын тәмамлаган елны "Раннур" нәшриятенә эшкә урнаштым. Минем өчен зур тормыш мәктәбе булды.

Ә хәзер мин сезне журналист һөнәренең үзенчәлекләре белән таныштырырга телим.

  • Журналист әйткән, язган һәр сүзе өчен җаваплы булырга тиеш! Әйткән сүз, аткан ук диләр. Һәр сүзеңне уйлап язарга тиешсең!
  • Мәктәп елларында ук район гәҗитләре белән дус бул, язышып тор.
  • Мәктәп тормышы, башкалардан аерылып тора торган яшьтәшләрең, кызыклы шәхесләр хакында язганнарың башкалар өчен дә кызык булыр.
  • Сөйләмеңне бает. Күбрәк китаплар укы, телеңне чарла. Көн саен бер җөмлә булса да яз.
  • Дөньяда барган хәлләрдән хәбәрдар бул. Журналистлар киң кырлы булырга тиеш.
  • Күзәтүчән булырга тырыш. Әйләнә-тирәне, кешеләрне... Язар өчен бик күп информация нәкъ менә күзәткәндә туплана.
  • Журналист ишек ябык булса, тәрәзәдән керергә тиеш! Куркып, оялып ятсаң булмый инде...
  • Кешеләр белән аралашырга ярату да мөһим сыйфат. Бөтен кеше дә ачылып китеп, интервью бирәм дип атлыгып тормый. Ә сиңа интервью алырга кирәк! Андый очракта, кешеләрнең күңеленә ачкыч ярата белергә, димәк, психолог булырга да кирәк.

Әле тагын бик күп киңәшләр язарга булыр иде. Кыскалыкта осталык диләр, әлегә җитеп торсын.

Алинә Хафизова.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: