Көмеш кыңгырау

Республика балалар һәм яшүсмерләр газетасы

18+
2024 - Гаилә елы
Әдәби сәхифә

Суга ага башлагач, бабай да: «Әнием!» дип кычкырган

Ата-ана һәм бала хакында сез белмәгән мәкаль-әйтемнәр

·         Анадан күлмәксез туалар, күлмәкле булалар.

·         Бабайга таяк кирәк, бәбәйгә сиртмә кирәк.

·         Бала заманасына охшап туар.

·         Бала йөри белгәнче үрмәләп йөри.

·         Баланы кыйнап юатма, көйләп юат.

·         Бала кошның авызы зур булыр.

·         Күгәрчен баласы күрексез булса да, үскәч күгәрчен була, ди.

 

·         Анаңдай ана булмас.

·         Анаң өчен уч төбендә тәбә куырсаң да бурычыңны кайтара алмассың.

·         Ана яхшылыгын авырсаң белерсең.

·         Анасыз корт бал җыймас, бал җыйса да мул җыймас.

·         Анасыз корт ил булмас.

·         Анасына өргән эт бүре авызына төшәр.

·         Суга ага башлагач, бабай да: «Әнием!» дип кычкырган.

·         Әни суккан авыртмый.

·         Әнкәм йорты алтын бишек.

·         Мең нәнкә дә бер әнкәне алыштыра алмас.

·         Өйнең яме ана белән.

·         Туган ана бер, туган Ватан бер.

 

 

·         Ана күңеле балада, бала күңеле далада.

·         Бала моңын ана белер.

·         Баланың телен анасы белер.

·         Бала тугач ук анасы телен аңлый, имеш.

·         Тән биргән дә ана, сөт биргән дә ана,

Тел биргән дә ана, көй биргән дә ана.

·         Ханнан бала олы,

Баладан ана олы.

 

 

·         Алтын канат - атаң бар, көмеш садак - анаң бар.

·         Ата-ана гаебен тикшерү бала эше түгел.

·         Ата-ана йөрәгенең тирәнлеген балалар белми.

·         Ата-ана теләге

Утка-суга батырмас.

·         Ата-ананы тыңлаган — адәм булган, тыңламаган — әрәм булган.

·         Ата-анасына игелек күрсәтмәгән,

Олыгайгач үзе дә игелек күрмәс.

·         Ата-анасын хурлаган үзен хурлаган булыр.

·         Ата аркасы — кала аркасы.

       

Следите за самым важным и интересным в Telegram-каналеТатмедиа

Безнең телеграм каналга язылыгыз «Көмеш кыңгырау»


Оставляйте реакции

2

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев