Россиядә интернет көне

Бөтендөнья интернет челтәре көнен бәйрәм итү 1998 елда IT Infoart Stars фирмасы тарафыннан башланып китә, ул фирмаларга һәм оешмаларга 30 сентябрьне интернет көне итеп билгеләргә тәкъдим итә. Бу вакытта "Рунет халкы" н исәпкә алалар - ул вакытта бер миллион кулланучы исәпләнә.

Башка илләрдә халыкара интернет көне 4нче апрельдә, урта гасыр архиепискобы изге Исидор Севилья көнендә билгеләп үтелә. Нәкъ менә шушы изге кешене Бөтендөнья интернет челтәренең яклаучысы дип саныйлар. Чөнки ул заманча интернетның бер үрнәген - 20 томлы белем энциклопедиясе төзегән була.

Росстат мәгълүматларына караганда, 2017 елда Интернет челтәренә керү мөмкинлеге булган хуҗалыклар саны 76,3% тәшкил иткән. Интернеттан файдаланучылар саны 100 кешегә 76% тәшкил иткән, бу 2016 ел белән чагыштырганда 3% ка күбрәк.

Россия электрон коммуникацияләр ассоциациясе (РАЭК) тикшеренүләре мәгълүматлары буенча, 2018 елда Рунет аудиториясе 2017 ел белән чагыштырганда 3% ка арткан һәм 90 миллион кеше (халыкның 74%) тәшкил иткән. Уртача кулланучы челтәрдә көненә өч сәгатьтән артык вакытын үткәрә.

Экспертлар фаразлаганча, 2020 елга россиялеләрнең 85% ка якыны Интернетка керә алачак.

Бөтенроссия җәмәгатьчелек фикерен өйрәнү үзәге мәгълүматларына караганда, 65% кеше челтәргә көн саен чыга, 14% ы – атнага яки айга берничә тапкыр, ә 2% ы – бик сирәк. Иң актив аудиторияне (76%) Мәскәү һәм Санкт-Петербургның 18-24 яшьлек кешеләре тәшкил итә.

Шул ук вакытта 73 миллион кулланучы (россиялеләрнең 59%) айга бер генә тапкыр булса да Интернеттан мобиль җайланмалар аша файдалана, ә РФ халкының 20,9% ы фәкать мобиль интернет аша гына куллана.

2018 елда Интернетның мобиль аудиториясе – 24,3 миллион кеше, ә десктоп аудиториясе (компьютер аша интернетка керүче) - 13,9 миллион кеше тәшкил итте.

2017 ел белән чагыштырганда, мобиль аудитория 9% ка артты һәм интернеттан файдаланучыларның 61% ын тәшкил итте, алар челтәргә ай саен чыга, ә десктоп аудиториясе 2% ка кимеде һәм 51% тәшкил итте.

Бөтенроссия җәмәгатьчелек фикерен өйрәнү үзәге үткәргән сораштыру нигезендә, барлык яшь категорияләрендәге интернет кулланучыларның 47% ы, интернет кулланмаса, аларның тормышы үзгәрәчәк, һәм бу алар өчен җитди сынау булачак, дип саный.

Шул ук вакытта россиялеләрнең 44% ы интернет белән эшләү һәм уку өчен, 42% ы – китап уку, фильмнар карау һәм музыка тыңлау өчен куллана, ә кулланучыларның 35% ы интернет-ресурслардан яңалыклар һәм белем чыганагы сыйфатында файдалана.

Материал РИА Новости һәм ачык чыганаклар мәгълүматы нигезендә әзерләнде.

Чыганак.