Ватанны саклаучылар көне уңаеннан яңа видеобәйге игълан итәбез

23нче февраль — Ватанны саклаучылар көне уңаеннан яңа видеобәйге игълан итәбез. Бәйгедә катнашу өчен темасы буенча шушы бәйрәмгә туры килә торган шигырьне яттан сөйләп, видеога төшереп, komesh_k@list.ru электрон почтасына юллагыз.

Шигырь татар телендә булырга тиеш. Видеоның быел төшерелгән һәм яхшы сыйфатлы булуы мөһим.

Катнашучының исем-фамилиясен, кайдан булуын һәм шигырьнең авторын да язарга онытмагыз.

Бәйгедә 18 яшькә кадәрге балалар катнаша ала. Без видеоларны Вконтактедагы төркемебезгә урнаштырып барачакбыз. (Төркемгә язылып куегыз).

22нче февраль көнне 9.00 сәгатьтә видеоязмалар кабул итүне туктатабыз.

26нчы февральдә иң күп лайк җыйган 3 видео авторын җиңүче дип игълан итәчәкбез. Алар дипломга һәм кызыксындыру бүләгенә лаек булачак.